Şandeyeke Wezareta Parastinê ya Tirkiyeyê gihîşt Şamê ji bo hevdîtinên ewlehiyê
PeyamaKurd – Şandeyeke bilind ji Wezareta Parastina Neteweyî ya Tirkiyeyê (MSB) serdana paytexta Sûriyeyê, Şamê kir. Armanca serdanê hevdîtinên giring ên di warê parastin û ewlehiyê de bû.
Li gorî nûçeya Ajansa Anadoluyê (AA), Lîtnant General Îlkay Altındag, Rêveberê Giştî yê Parastin û Ewlehiyê yê MSB, bi şandeya xwe re li Şamê bi Wezîrê Parastinê yê Sûriyeyê, Tumgeneral Murhef Ebû Qesra û heyeta pê re re civiya.
Daxuyaniyeke ku li ser hesabê medya civakî yê Wezareta Parastina Neteweyî hat parvekirin, hat gotin ku "Rêveberê Giştî yê Parastin û Ewlehiyê yê Wezareta Parastina Neteweyî, Lîtnant Îlkay Altindag, bi şandeya xwe re serdana Şamê kir û bi Wezîrê Parastinê yê Sûriyeyê Tumgeneral Murhef Ebû Kasra re li ser mijarên parastin û ewlehiyê hevdîtin kir."
Ev serdan di demekê de pêk tê ku her du welat di navbera xwe de pirsgirêkên ewlehiyê yên tevlihev hene, û tê payîn ku di van hevdîtinan de rewşa li ser sînor û herwiha mijarên din ên stratejîk hatibin gotûbêjkirin. Detayên zêdetir derbarê encamên hevdîtinan hîn nehatine eşkere kirin.
Ev nivîs 47 car hatiye xwendin.
