Serokê Amerîkayê Trump gef li Venezuelayê xwar!
PeyamaKurd - Serokê Amerîkayê Donald Trump ragihand ku êrîşên li ser yekîneyên deryayî yên Venezuelayê li Karayîban dibe ku berdewam bikin.
Trump bi îdiaya ku "gelek madeyên hişbir ji Venezuelayê tên" diyar kir ku ew ê mudaxele bikin dema ku qeyikên têkildarî madeyên hişbir werin tespîtkirin.
Donald Trump careke din Venezuelayê di derbarê têkoşîna wê ya li dijî kartelên madeyên hişbir de "tirsand", û îşaret kir ku êrîşên nû li ser yekîneyên deryayî yên welêt dikarin werin destpêkirin.
Trump di balafira xwe de dema ku ji New Yorkê vedigeriya Washingtonê, pirsên çapemeniyê yên di derbarê bûyerên heyî de bersivandin.
Trump destnîşan kir ku yekîneyên deryayî yên Amerîkayê ku di navbera Amerîka û Venezuelayê de li Karayîban bûne sedema aloziyê û tê gotin ku ji bo "şerkirina kartelên madeyên hişbir" ji herêmê re hatine şandin, wê mîsyonên xwe bidomînin.
Trump got, "Gelek madeyên hişbir ji Venezuelayê tên. Gelek endamên çeteyên Aragua bi trênan tên. Ew hewl didin ku derkevin, lê em bi serkeftî wan li ser sînor radiwestînin," û îdia kir ku ev tedbîr ji bo têkoşîna li dijî hem madeyên hişbir û hem jî çeteyan têne girtin.
Trump di bersiva pirsa "Hûn li bendê ne ku êrîşên din li ser Venezuelayê werin kirin?" de îşaret kir ku ew ê êrîşan bidomînin dema ku ew li Karayîban qeyikên têkildarî madeyên hişbir tespît bikin.
Trump îddîa kir ku wan dizanibû qeyika ku Venezuelayê îdia kiribû "keştiya masîgiriyê" barkêşê narkotîkê ye, diyar kir ku di derbarê vê keştiyê de hemû îstîxbarata wan heye.
