Berîvan Aymaz di pêşbirka şaredariya Kolnê de bi ser ket
PeyamaKurd – Di gera yekem a hilbijartina şaredariya Kolnê de, siyasetmedara Kurd û namzeta Partiya Kesk Bêrîvan Aymaz bi rêjeya %28ê dengan bi ser ket.
Eyaleta Almanya ya Bakurê Ren-Westfalenê roja Yekşemê ji bo hilbijartinên herêmî çû ser sindoqan. Ev eyalet, ku herî qelebalix a Almanyayê ye û hejmareke mezin ji koçberan lê dijîn, ji bo saziyên herêmî yên wekî encumenên şaredariyê û encumenên entegrasyonê deng da.
Rheina Bakur ku herî qelebalix a Almanyayê ye û 18 milyon niştecih lê dijîn, ji dîyasporayeke mezin a Kurd pêk tê.
Ev hilbijartin di heman demê de ji bo hikûmeta hevpeymaniyê ya Şansolyer Friedrich Merz ku tenê çend meh in li ser desthilatdariyê ye û di bin zexta rastgirên tundrew ên ku zêde dibin de ye, ceribandinek e.
Namzeda şaredariya Kolnê Aymaz bi ser ket
Di gera yekem a hilbijartina şaredariya Kolnê de, siyasetmedara Kurd û namzeta Partiya Kesk Bêrîvan Aymaz bi rêjeya %28ê dengan bi ser ket.
Lêbelê, ji ber ku tu namzedek %50 + 1 deng negirt, hilbijartin çû gera duyemîn.
Li gorî pergala hilbijartinê ya li Kolnê tê bikar anîn, divê namzedek ji %50 zêdetir dengan werbigire da ku di gera yekem de bi ser bikeve.
Ji ber vê yekê, şaredara nû ya bajêr wê di gera duyemîn de were destnîşankirin.
Gera duyemîn a hilbijartinê wê di 28ê Îlona 2025an de were lidarxistin.
Ger Aymaz di gera duyemîn de bi ser bikeve, ew ê bibe şaredara Kolnê.
Berîvan Aymaz kî ye?
Berîvan Aymaz di sala 1972an de li Çewlikê ji dayik bû, di sala 1978an de bi malbata xwe re koçî Almanya kir. Di sala 2017an de, Aymaz ji bo Parlamentoya Eyaleta Nordrhein-Westfalen hate hilbijartin û bû yekem Cîgira Serokê Parlamentoyê bi paşxaneya koçber.
Aymaz ji malbateke bi paşxaneya siyasî tê û bavê wê di salên 1970an de wekî Şaredarê Çewlikê xebitî.
