Mesrûr Barzanî pêşwaziya şandeyên Sûriyeyê û Suryanî yên Amerîkî kir
PeyamaKurd – Îro, roja Duşemê, 15ê Îlona 2025an, Serokwezîrê Herêma Kurdistanê Mesrûr Barzanî li Hewlêrê pêşwazî li du şandeyên cuda kir. Di civîna yekem de, Serokwezîr Barzanî li gel şandeke Sûriyeyê ya ji bo karûbarên Sûriyeyê civiya.
Piştre di hevdîtineke din de, Serokwezîr Mesrûr Barzanî pêşwaziya şandeke Amerîkî ya Suryaniyan bi serokatiya Serokê Weqfa Dadperweriya Suryanî, Sam Dermo kir.
Li gor daxuyaniya Hikûmeta Herêma Kurdistanê, şandeya Suryanî pesnê pêkvejiyana aştiyane û azadiya olan li Herêma Kurdistanê da.
Di bersivê de, Serokwezîr Mesrûr Barzanî pêbendbûna Hikûmeta Herêma Kurdistanê ji bo parastina mafên hemû pêkhateyan û bipêşxistina çanda pêkvejiyan û azadiyên olî li Herêma Kurdistanê dûpat kir.
Ev nivîs 73 car hatiye xwendin.
