نێچیرڤان بارزانى پێشوازی له جێگرى سه‌رۆكى ئاك پارتى كرد
پەیامی کورد ... نێچیرڤان بارزانى پێشوازی له جێگرى سه‌رۆكى ئاك پارتى كرد
دووشه‌ممه 2025/8/25 نێچیرڤان بارزانى، سه‌رۆكى هه‌رێمى كوردستان، له دیدارێكدا له‌گه‌ڵ زافه‌ر سراكایا، جێگرى سه‌رۆكى پارتى داد و گه‌شه‌پێدانى ده‌سه‌ڵاتدارى توركیا بۆ كاروبارى ده‌ره‌وه، په‌یوه‌ندییه‌كانى هه‌رێمى كوردستان و عێراق له‌گه‌ڵ توركیا و دۆخى ناوچه‌كه‌یان تاوتوێ كرد.
هه‌ردوولا جه‌ختیان له گرینگی په‌یوه‌ندییه‌كانى نێوانیان و هاوكاری هاوبه‌شیان له بواره جیاكاندا كرده‌وه كه خزمه‌ت به به‌رژه‌وه‌ندی هه‌ردوولا و پاراستنى ئارامى و سه‌قامگیرى له ناوچه‌كه‌دا دهکات نێچیرڤان بارزانى پێشوازی له جێگرى سه‌رۆكى ئاك پارتى كرد.
دووشه‌ممه 2025/8/25 نێچیرڤان بارزانى، سه‌رۆكى هه‌رێمى كوردستان، له دیدارێكدا له‌گه‌ڵ زافه‌ر سراكایا، جێگرى سه‌رۆكى پارتى داد و گه‌شه‌پێدانى ده‌سه‌ڵاتدارى توركیا بۆ كاروبارى ده‌ره‌وه، په‌یوه‌ندییه‌كانى هه‌رێمى كوردستان و عێراق له‌گه‌ڵ توركیا و دۆخى ناوچه‌كه‌یان تاوتوێ كرد.
هه‌ردوولا جه‌ختیان له گرینگی په‌یوه‌ندییه‌كانى نێوانیان و هاوكاری هاوبه‌شیان له بواره جیاكاندا كرده‌وه كه خزمه‌ت به به‌رژه‌وه‌ندی هه‌ردوولا و پاراستنى ئارامى و سه‌قامگیرى له ناوچه‌كه‌دا ده‌كات.
سه‌رۆك نێچیرڤان بارزانى دووپاتى كرده‌وه هه‌رێمى كوردستان وه‌ك دراوسێیه‌كى گرینگ له توركیا ده‌ڕوانێت كه به‌رژه‌وه‌ندی هاوبه‌ش و درێژخایه‌ن كۆیان ده‌كاته‌وه، هه‌روه‌ها سوپاس و پێزانینى بۆ ڕۆڵى سه‌رۆك ئه‌ردۆغان و ئاك پارتى له پته‌وكردنى په‌یوه‌ندییه‌كانى توركیا له‌گه‌ڵ عێراق و هه‌رێمى كوردستاندا ده‌ربڕى.
لاى خۆیه‌وه به‌ڕێز سراكایا وێڕاى نیشاندانى خواستى به‌رده‌وامى توركیا بۆ فراوانكردنى په‌یوه‌ندییه‌كانى له‌گه‌ڵ عێراق و هه‌رێمى كوردستان له هه‌موو بواره‌كاندا، ستایشى په‌یوه‌ندى و دۆستایه‌تی سه‌رۆك نێچیرڤان بارزانی له‌گه‌ڵ توركیا و ڕۆڵى ئه‌رێنی ئەوی له‌سه‌ر ئاستى ناوچه‌كه كرد.
پرۆسه‌ى ئاشتى له توركیا و چه‌ند پرسێكى جێى بایه‌خى هاوبه‌ش، ته‌وه‌رێكى دیكه‌ى دیداره‌كه بوو.
ئەم بابەتە 19 جار خوێندراوەتەوە
