پەیامێک لە بارەگای بارزانی یەوە
پەیامی کورد ... پەیامێک لە بارەگای بارزانی یەوە
بارەگای بارزانی لە پەیامێکدا بە تووندی سەرکۆنەی تیرۆرکردنی سەفا مەشهەدانی، ئەندامی ئەنجوومەنی پارێزگای بەغدا و کاندیدی هاوپەیمانی سیادە دەکات و ڕایگەیاند، کردەوەی لەم جۆرە هەڕەشەیە بۆ سەر ئاشتەوایی و سەقامگیری. هاوکات داوا دەکات ئەنجامدەرانی تاوانەکە ئاشکرا بکرێن و ڕادەستی یاسا بکرێن.
دەقی پەیامەکەی بارەگای بارزانی:
بە ناوی خودای بەخشندە و میهرەبان
بە تووندی سەرکۆنەی تیرۆرکردنی سەفا مەشهەدانی، ئەندامی ئەنجوومەنی پارێزگای بەغدا و کاندیدی هاوپەیمانی (السیادة) دەکەین، کە دوێنێ شەو بە هۆی تەقینەوەی بۆمبێک لە شاری بەغدا، گیانی لەدەست دا.
وێڕای ئەوەی سەرەخۆشی لە خانەوادە و کەس وکاری سەفا مەشهەدانی و هاوپەیمانییەتی ئەلسیادە و خەمیس خەنجەر سەرۆکی هاوپەیمانییەتییەکە دەکەین، ڕاشیدەگەێنین کە کردەوەی لەم جۆرە، هەڕەشەیە بۆ سەر ئاشتەوایی و سەقامگیری کۆمەڵگە و پێویستە ئەنجامدەرانی ئەم کردەوەیە ئاشکرا بکرێن و ڕادەستی یاسا بکرێن.
بارەگای بارزانی
15ـی تشرینی یەکەمی 2025
ئەم بابەتە 18 جار خوێندراوەتەوە
