Amerîka: Alîkariya Qeterê ji bo Sûriyeyê ne guhertineke siyasetê ye

PeyamaKurd – Wezareta Derve ya Amerîkayê ragihand ku îstîsnaya destûrdayîna Qeterê ji bo fînansekirina mûçeyên sektora giştî li Sûriyeyê ne nîşana guhertineke siyaseta Washingtonê li hember Şamê ye.

Berdevka wezaretê Tammy Bruce diyar kir ku ev alîkarî di çarçoveya mekanîzmayeke demdirêj a îstîsnayê de ye ku armanc wê aramiya li Sûriyeyê ye.

Qeter dê ji bo sê mehan, her meh 29 milyon dolar alîkariya darayî bide hikûmeta nû ya Sûriyeyê ya bi serokatiya Ehmed Şera.

Bruceê got, ev mekanîzma kevn e û ne hewceyî erêkirineke nû ye. Derbarê sivikkirina cezayên li ser Sûriyeyê de, wê got nikare ti agahiyê bide.

Wê her wiha tekez kir ku rewşa Sûriyeyê bi baldarî tê şopandin û her pêşketin an paşveçûn bi cidî tê nirxandin.

Wezaretê ragihand ku îstîsnayeke nû ji bo dorpêçan tune ye. Qeterê jî dest bi alîkariya darayî kiriye ji bo piştgiriya hikûmeta demborî ya Şerîetê.

 

Ev nivîs 40 car hatiye xwendin.