Amerîkayê firotina çekan a 825 milyon dolarî ji bo Ûkraynayê pejirand

PeyamaKurd – Wezareta Derve ya Dewletên Yekbûyî firotina mûşekên ERAMê yên ku ji asîman tên avêtin û alavên têkildar ên bi qîmeta 825 mîlyon dolarî ji bo Ûkraynayê erê kir.

Li gorî daxuyaniya Ajansa Hevkariya Ewlehiyê (DSCA) ya Pentagonê, Ûkraynayê daxwaza 3,350 mûşek û heman hejmar pergalên navîgasyonê yên li dijî astengkirina elektronîkî kiriye. Pakêtê konteyner, alavên veguhastinê, parçeyên yedek, nermalav, materyalên perwerdeyê, piştgiriya teknîkî û xizmetên lojîstîkê jî di nav xwe de digire.

DSCAyê diyar kir ku ev sewqiyat dê kapasîteya Ûkraynayê ji bo parastina li hember gefên heyî û yên pêşerojê zêde bike û ewlehiya herêmî misoger bike, bêyî ku hevsengiya leşkerî ya herêmê biguherîne. Fînansmana kirînê ji aliyê Danîmarka, Hollanda, Norwêc û Bernameya Fînansekirina Leşkerî ya Derve ya Amerîkayê ve tê peydakirin. Peymankarên sereke Zone 5 Technologies û CoAspire ne. Ajansê got, tu peymanên tezmînatê hê nehatine diyarkirin û ev yek dê di danûstandinên di navbera mişteriyan û peymankaran de zelal bibe.

Ev nivîs 82 car hatiye xwendin.