Keştiyekî noqavê û 7 keştiyên şer yên DYAyê ber bi Katayîpan ve ketin ser rê
PeyamaKurd – Piştî biryara serokê DYAyê Donald Trump ku wê bi sedema bi ‘kartelên maddeyên hişbir re têbikoşe’ artêşa DYAyê keştiyekî noqavê û 7 keştiyên şer ber bi Katayîpan ve xist ser rê.
Tê gotin ku di wexteka dijberiya navbera Amerîka û Venezuelayê geş bûye de, şandina keştiyan ber bi Karayîpe de, wê rewşê bêhtir aloz bike.
Li ser biryara Trump ya navborî an ku têkoşîna bi kartelên maddeyên hişbir re sitendibû, li ser biryarê, berdevka Koşka Sipî ya Amerîkayê Karoline Leavitt, biryara şandina keştiyên Amerîkayê bo Karayîpan parastibû û serokê Venezuelayê Nicolas Maduro xistibû hedefê.
Leavitt, ragihandibû ku ji bo têkoşîna bi kartelên maddeyên hişbir re, şandina ûnsûrên leşkerî heya nêzî Venezuelayê, ji bo parastin û ewlehiya xelkê Amerîkaye. Leavitt ragihandibû ku gelek welat destekê didin vê pêngava Amerîkayê û weha dewam kiribû:
“Serok Trump amade ye da ber li maddeyên hişbir yên tên Amerîkayê bigre û kesên van karan dike ji bo teslîmê edaletê bike, amade ye temamê hêzên DYAyê bikarbîne. Li beranberê vêya jî rejîma Maduro ne hukumeta rewa ya Venezuelayê ye û ew tenê kartelekî maddeyên hişbire. Maduro jî ne serokekî rewaye û serokê qaçax yê kartela maddeyên hişbir e.”
Li hemberê vê daxwuyaniya Koşka Sipî serokê Venezuelayê Maduro gotibû:
“Em deryayên xwe, esmanê xwe û axa xwe diparêzin, em azad dikin û em çavdêriye dikin û em dewriye digerin. Ti împaratoriyetekî nikare destê xwe bide axa pîroz ya Venezuelayê û divê destê xwe nede axa pîroz ya Başûrê Amerîkayê.”
Ev nivîs 97 car hatiye xwendin.
