Daxuyaniya Amerîkayê li ser rageşiya Hindistan-Pakistanê: Ne karê me ye
PeyamaKurd – Cîgirê Serokê Amerîkayê JD Vance got ku rageşiya di navbera Hindistan û Pakistanê de "ne karê wî ye" û ew ê destwerdanê neke.
Vance di bernameyeke ku beşdarî kanala Fox News bû de li ser rageşiya Hindistan-Pakistanê nirxandin kir.
Vance got ku ew dixwazin ku rageşî di zûtirîn demê de sivik bibe, lê ew "nikarin van welatan kontrol bikin", û ev rageşî "Dewletên Yekbûyî yên Amerîkayê eleqedar nake" û ew ê mudaxeleyî vê rewşê nekin.
Vance got ku Amerîka nikare ti aliyekî neçar bike ku çekên xwe deyne, û got ku ew ji vê aloziyê nîgeran in û wê bi rêyên dîplomatîk vê mijarê bişopînin.
JD Vance hêvî kir ku rageşiya di navbera her du welatan de "nekeve şerekî herêmî yê berfirehtir an jî pevçûneke navokî."
