Hêzên DYAyê (Amerîka) ji Bexdayê vedikşin
PeyamaKurd – Çavkaniyên ewlehiya Iraqê ragihandin ku pêvajoya vekişîna hêzên Amerîkayê ji Bexdayê ji ciyên krîtîk dê destpêbike. Çavkaniyên ku agahiyê dane Rûdawê ragihandine ku ev vekişîn nayê vateya ku wê hêzên Amerîkayê derên derveyê Iraqê û wê ber bi Erbîlê ve xwe ji nûh de bicîh bikin.
Şêwirmendê Konseya bajêr û Komîta Bergiriya bajarê Enbarê, piştrast kiriye ku wê hêzên Amerîkayê ji baregeha Ayn el-Esedê jî vekişin. Ciyên ku wê hêzên Amerîkayê jê vekişin; Herêma Xeta Kesk ya Bexdayê, balafirgeha Bexdayê ya navdewletî û baregeha fermandariya operasyonên hevpar ya Bexdayê yên bingehînin.
Barageha Ayn el-Esed ya bajarê Enbarê jî di nav pêvajoya vekişînê de heye ku baregeha herî girîng ya Koalîsyona Navdewletî ya li hemberê IŞİDê ye û ciyê perwerdêye. Li baregehê heya niha gelek mamosteyên perwerdekar li wê derê dersên perwerdê didan.
Pêngava tê avêtin li ser daxwaza Iraqê ya sala 2014an de ku Koalîsyona Navdewletî li hembere IŞİDê hatibû ava kirin, rewtê wê Amerîka ye û pêngav di wê çarçovê de tên avêtin.
Çavkaniyên ewlehiyê dibêjin di çarçova lihevkirina Iraqê û Koalîsyona Navdewletî de vekişîn destpêdike û bendene ku ev destekê bide xwurtkirina desthilata Iraqê.
Li Iraqê û Herêma Kurdistanê li dora 2500 leşkerên DYAyê hene. Hêzên ku vekişin dernayên derveyê Iraqê û wê ber bi Erbîlê de, car din xwe bicîh bikin.
Şêwirmendê Komîta Bergiriyê û konseya ewlehiyê yê bajarê Enbarê Abdullah Cigefi ji bo Rûdawê gotiye:
“Li gor agahiyên me bi dest xistiye, vekişîna hêzên Amerîkayê yên sibê, wê hêzên Amerîkayê yên baregeha Ayn el-Esedê jî di nav wan de be.”
Ev nivîs 82 car hatiye xwendin.
