Vladimir Putin seredana Çînê dike
PeyamaKurd – Şêwrimendê karên siyaseta derve yê Kremlînê Yuriy Uşakov ragihand ku wê serokê Rûsyayê Vladimir Putin, ji bo 4 rojan seredana Çînê bike û ji 10an zêdetir hevdîtinên dualî li Çînê bike. Wê di merasima çûna leşkerî de jî bibe ‘mêvanê esasî’.
Uşakov, li payîtexta Rûsyayê li, Moskovayê ji bo seredana Putin ya Çînê got ku wê seredan ji 31ê Tebaxê destpêbike û heya 3yê Êlûnê dewam bike û li ser ziyaretê ji bo rojnamevanan re daxwuyanî da.
Uşakov, ragihand ku wê Putin tevî civîna Hevkariyê ya Şanghayê bibe, piştî wê here Pekinê û bi serokê dewleta Çînê bi Şi Cinping re hevdîtinê bike û paşî tevî merasima bîranîna qedandina 80 saliya şerê duyem, merasima leşkerî ya çêbibe wê tevlî merasimê bibe. Uşakov got:
“Di çarçova seredana Putin de, wê bi gelek lîderan re hevdîtin bike û jimara hevdîtinan wê ji 10an zêdetir be. Dibe hinek hevdîtinên din yên em li ser bi hev bikin yên îlawe jî bike.
Di hevdîtina Rûsya û Çînê de hatiiye plankirin ku li dora 20 belgename îmza bikin û bi taybetî çawa rayedarên Çînê jî dibêjin, wê tevî merasima pîrozbahiyên qedandina şerê cîhanê yê duyem yê li hemberê Japonyayê ya 80 saliya wê bibe.”
Bi Putin re wê wezîrê karên derve yê Rûsyayê Sergey Lavrov, wezîrê berevanyê Andrey Belousov, serokê banka navendî ya Rûsyayê Elvira Nabiullina, serokê Gazpromê Aleksey Miller û serokên bankayên mezin yên Rûsyayê û serokên şîrketan re here Çînê.
Ji bo civîna navborî wê endamê rêxistinê Rûsya, Kazakistan, Kirgizîstan, Tacikistan, Özbekistan, Hindistan, Pakistan, İran û Belarus bicivin û weke endamê çavdêr Moğolistan û bi dawetkirina serokê Çînê Şi, serokkomarê Tirkiyê Recep Tayip Erdoğan tevlî civînê bibe.
Wê merasima buhira leşkerî di 3ê Êlûnê de li Pekînê li Meydana Tiananmenê bê lidarxistin.
Rêvbiriya Pekînê di merasiman de sloganên wekî ‘Şerê Berxwedanê yê li Hemberê Êrîşkeriya Japonyayê’ û ‘Şerê Dinyayê yê Antî-Faşîst’ bikartîne.
Ev nivîs 76 car hatiye xwendin.
