Îbrahîm Kalin wê serdana partiyên siyasî bike
PeyamaKurd - Hat ragihandin ku Rêveberê Rêxistina Îstixbarata Neteweyî (MIT) Îbrahîm Kalin wê di çarçoveya înîsiyatîfa "Tirkiyeya Bê Teror" de serdana partîyên siyasî yên bi komên parlemanî re bike. Hat ragihandin ku Kalin wê berî damezrandina komîsyonê bi serokên kom û cîgirên serokên koman re bicive.
Rêveberê MÎTê Îbrahîm Kalin wê di çarçoveya înîsiyatîfa "Tirkiyeya Bê Teror" de serdanên agahdarkirinê li partîyên siyasî yên li Meclîsa Mezin a Tirkiyê bike.
Li gorî agahiyan, armanca serdanan ew e ku berî damezrandina komîsyonê ya li Parlamentoyê agahdarî were dayîn. Biryar e ku Kalin bi serokên kom û cîgirên serokên koman ên AK Partî, CHP, Partiya DEM, MHP, Partiya İYİ û Partiya Yeni Yolê re bicive.
Hat ragihandin ku di civînên ku wê sibê dest pê bikin de, wê rewşa heyî ya têkoşîna li dijî terorîzmê û gavên pêşerojê werin nîqaşkirin.
