Binali Yıldırım: “Pêwiste pênaseya hemwelatîbûnê car din bê şirovekirin”

PeyamaKurd – Serokwezîrê Tirkiyê yê berê Binali Yıldırım di komisyona meclisa Tirkiyê ya bi navê ‘Komîsyona Hevkariya Netewî, Biratî û Demokrasiyê’ de axifî û got divê danasîna hemwelatîbûna Tirkiyê ya di destûrê de, car din bê şirovekirin an çav di ser de derbas bikin. Yıldırım got:

“Divê vateya (danasîna) hemwelatîbûnê ne li ser esasê etnîkî be lê li ser wekheviyê be.”

Komîsyona avakirî ji beşên civakê yên cuda li nûneran guhdarî dike. Yek ji wan jî Binali Yıldırım bû ku berê serokatiya meclisa Tirkiyê û hem serokwezîrtiya dewleta Tirkiyê kiriye. Niha jî serokê heyeta rûsipiyên Rêxistina Dewletên Tirka ye. Yıldırım peyamên balkêş da komîsyonê. Yıldırım got.

“Divê car din li ser danasîna nasnama hemwelatîbûna Tirkiyê rawestin. Divê vateya (danasîna-tarîf) hemwelatîbûnê ne li ser esasê etnîkî be lê li ser wekheviyê be. Ev guhertin wê unîteriya Tirkiyê xerab neke û divê newsa bê fêmkirin. Divê em pêngavên ku mirov digihînin hev û dikin yek bavêjin.”

Yıldırım, balê kişand ser terorê û got li pêşiya geşepêdanê û veberhênana Tirkiyê astengiya herî mezin terore û dewam kir:

“Kurd û Tirk jî ûnsûrên eslî yê vî milletê ne. Çawa komarê bi hevre ava kirin, divê îro jî ti hemwelatiyekî me, xwe di derveyê komarê de hîs neke.”

Binali Yıldırım berê jî tiştekî weha di dema tevlî bernama Rêxistina Lêkolînêmn Hûqûqî (HUDER) bûbû, axaftinekî nêzî vê axaftina xwe kiribû û munaqeşê li ser xala 66an ya destûra Tirkiyê vekiribû ku di xala 66an de dibêje:

“Her kî bi girêbesta hemwelatîbûnê girêdayê Dewleta Tirk be, ew Tirk e.”

Ev xala 66an ku her hemwelatiyê Tirkiyê dike Tirk, di dîrokê de heya niha li serê munaqeşe dewam dikin.

Ev nivîs 107 car hatiye xwendin.