Trump: Hefteyekê mezin tê
PeyamaKurd – Serokê Dewletên Yekbûyî yên Amerîkayê (DYA) Donald Trump, piştî pêşniyara Serokê Rûsyayê Vladimîr Pûtîn a ji bo “danûstandinên rasterast” bi Ûkraynayê re, li ser platforma xwe ya medyaya civakî Truth Socialê daxuyaniyek belav kir.
Trump di daxuyaniya xwe de got,“Dibe ku ev ji bo Rûsya û Ûkraynayê rojeke mezin be,” û tekez kir ku dawîanîna şerê Rûsya-Ûkraynayê dikare bi hezaran jiyanê xilas bike. Wî herwiha wiha dewam kir:
“Ew ê cîhanek nû û gelek çêtir be.”
Trump diyar kir ku ew ê bi Rûsya û Ûkraynayê re hevkariyê bike, bi taybetî balê bikişîne ser firehkirina têkiliyên bazirganî, û got,
“Hefteyek mezin tê.”
Ev daxuyanî nîşana nêzîkatiyeke xweşbîn a Trump e ji bo çareseriya krîza Ûkraynayê.
Ji aliyê din ve, Pûtîn di daxuyaniyeke çapemeniyê de ragihand ku rayedarên Kîevê di dawiya sala 2022yan de danûstandin rawestandibûn.
Wî pêşniyar kir ku danûstandinên rasterast, bêyî şert û merc, di 15ê Gulanê de li Stenbolê, cihê danûstandinên berê, ji nû ve dest pê bikin. Ev pêşniyar weke gaveke girîng tê dîtin ji bo ji nû ve destpêkirina diyaloga dîplomatîk.
Ev nivîs 41 car hatiye xwendin.
