Îstixbarata Alman AfD wek ‘pêkhateyeke tundrew’ pênase kir
PeyamaKurd - Saziya Îstixbarata Navxwe ya Almanî (BFD), piştî lêkolîneke berfireh, Partiya Alternatîf ji bo Almanyayê (AfD) ku di hilbijartinên giştî yên meha sibatê de bû duyemîn, wek "pêkhateyeke diyar a tundrew a rastgir" pênase kir.
Di daxuyaniya BFDê de hate gotin, "Têgihiştina gelê etnîkî û nijadî ya di nav AfD de navenda nirxandina me ye. Ev bi pergala demokratîk a azad re li hev nake. Ev têgeh hemû beşên nifûsa Almanyayê bêqîmet dike û rûmeta mirovî binpê dike. Wek mînak, AfD welatiyên Almanî yên ku piraniya wan ji welatên Misilman koç kirine, wekî endamên wekhev ên gelê Almanî yê ku partî ji hêla etnîkî ve pênase dike, nabîne."
Hate diyarkirin ku partî "şexsan û koman reş dike û bêbextiyan li wan dike" û "tirsên bêmane û dijminahiyê li dijî wan" pêk tîne.
AfD di hilbijartinên meha sibatê de %20.8 deng wergirtibû û bû ya duyemîn û di parlamentoya federal a 630 kursî de 152 kursî bi dest xist.
Ev nivîs 81 car hatiye xwendin.
