Wezareta Derve ya Îranê li ser mizakereyên li gel Amerîkayê daxuyanî da

PeyamaKurd – Berdevkê Wezareta Derve ya Îranê Îsmaîl Bekayî nûçeyên ku dibêjin pêvajoya danûstandinan bi Amerîkayê re hefteya bê ji nû ve dest pê bike, piştrast nekir.

Berdevkê Wezareta Derve ya Îranê Îsmaîl Bekayî di hevpeyvînekê de ku di medyaya Îranê de hat weşandin, dema ku li ser raporên ji Amerîkayê dihatin gotin ku pêvajoya danûstandinan, ku ji ber êrîşên Îsraîlê hatibû sekinandin, dê hefteya bê ji nû ve dest pê bike, hate pirsîn, got:

"Her tişt tê nirxandin, lê ez difikirim ku raya giştî niha ewqas bihêrs e ku kes cesaret nake ku behsa danûstandin û dîplomasiyê jî bike."

Bekayî, ku got ku di dema pêvajoya danûstandinê ya bi Amerîkayê re êrîşî wan hatiye kirin û ev "xiyaneteke li dîplomasiyê" ye, li ser pirsa gelo vegera danûstandinan mimkun e, wiha bersiv da:

"Dîplomasî qet bi dawî nabe. Ji ber vê yekê divê em li bendê bin û bibînin ji ber ku em naxwazin tiştê ku em jê re dibêjin xiyaneta li dîplomasiyê dubare bibe."

Malpera nûçeyan a Axios a Amerîkî, bi îdiaya ku çavkaniyên nêzîkî Qesra Spî ne, îdia kir ku Îran û Amerîka dê hefteya bê li Osloyê, paytexta Norwêcê, danûstandinên nukleerî ji nû ve bidin destpêkirin.

Ev nivîs 77 car hatiye xwendin.