Kelar | Ciwanekî di pevçûnekê de can da
PeyamaKurd – Li bajarê Kelarê, şerekî di navbera du ciwanan de bi awayekî trajîk bi dawî bû. Polîsê Germiyanê ragihand ku di encama pevçûneke bi kêran de ciwanekî 18 salî canê xwe ji dest da.
Li gorî daxuyaniya fermî ya polîs, bûyer şeva borî li ser Çemê Sîrwanê qewimî. Di pevçûnê de, ciwanê bi navê Rêkar Osman Ewbulayê ku nîştecîhê taxa Goranê ya Kelarê bû, ji ber lêdanên kêran bi xedarî birîndar bû û canê xwe ji dest da.
Hêzên ewlehiyê herweha diyar kir ku kesê din ê ku beşdarî şer bûbû û birîndar e, hatiye girtin. Li ser fermana dadwer û di çarçoveya madeya 405 (kuştin) de, lêpirsîn derbarê bûyerê de bi awayekî fermî dest pê kiriye da ku sedemên vê rûdanê bên eşkerekirin.
Ev nivîs 98 car hatiye xwendin.
