Li Ewropayê piştî 19 salan şewatên mezin: 1 milyon hektar bû xwelî
PeyamaKurd- Li Ewropayê piştî sala 2006an, demsala herî giran a şewatên daristanan hate jiyîn û bi giştî nêzîkî 1 mîlyon hektar bû xwelî.
Yekîtiya Ewropayê (YE) îsal bi şewatên daristanan têdikoşe. Li Ewropayê ji ber agirê ku bi bayê re berbelav dib, bi taybetî li welatên Spanya û Portekîz, gelekî zirar çêbûn.
Li dora %1ê Nîvgirava Îberê jî bû xwelî. Zanyarên Yekîtiya Ewropayê diyar dikin ku ji sê paran zêdetirê qadên ku şewitîne, li Spanya û Portekîzê ne.
Li gorî daneyên Sîstema Agahdariya Şewatên Daristanan a Ewropayê (EFFIS) ku girêdayî bernameya lêkolînên rûyê erdê ya YEyê Copernicus e, li Spanyayê ji destpêka salê ve zêdetirî 400 hezar hektar qadên daristanan şewitî. Ev daneyên ku ji navîna daneyên şewatên daristanan a salên 2006-2024an zêdetirî 6 carî ne, pispor şewatan bi guherîna avhewayê ve girê didin.
Ji ber şewatên rekor, welatên Yekîtiya Ewropayê (YE) di çarçoveya Mekanîzmaya Parastina Sivîl a YEyê de piştgirî dan welatên ku zirar dîtine. Ji bo têkoşîna li dijî şewatan, ji gelek welatan balafirên vemirandina agir, helîkopter û ekîbên agirvemirandinê hatin şandin. Dûxana şewatên li Spanya û Portekîzê, bi bayê re gihîşt Fransa û Brîtanyayê û bû sedema kêmbûna kalîteya hewayê. Li gorî YEyê, mîqdara karbondîoksîtê ya ku ji şewatên li Spanyayê çêbûye gihîştiye 17,68 mîlyon tonan.
Ev nivîs 81 car hatiye xwendin.
