Trump: Eger Hamas pabendî agirbestê nebe, Îsraîl dikare ji nû ve dest bi êrîşan bike
PeyamaKurd - Serokê Amerîkayê Donald Trump diyar kir ku ew dikare destûrê bide Îsraîlê ku êrîşan li Xezzeyê ji nû ve dest pê bike "eger Hamas şertên peymana agirbestê bi cîh neyne."
Di hevpeyvînek bi telefonê de, Trump di derbarê rewşa heyî ya derbarê agirbesta li Xezzeyê de daxuyanî da.
Trump diyar kir, "Rewşa bi Hamasê re wê zû çareser bibe," û got ew bawer dike ku Hamas wê çekên xwe deyne û eger ev nebe, Îsraîl dikare êrîşên li ser Xezzeyê ji nû ve dest pê bike.
Dema ku ji Serokê Amerîkayê hat pirsîn ka wê çi bibe ger Hamas dev ji çekên xwe berde, wî got, "Gava ku ez peyva xwe bibêjim, Îsraîl wê vegere wan kolanan (Xezzeyê). Ger Îsraîl bikaribe biçe wir û wan tune bike, ew ê bikin. Ez neçar mam ku wan rawestînim."
Trump diyar kir ku berdana 20 girtiyên Îsraîlî pir girîng e, lê divê Hamas tavilê cenazeyên girtiyên din vegerîne û "soza xwe ya bêçekkirinê" bi cîh bîne.
Hamasê heta niha cenazeyên heşt ji 28 girtiyên mirî yên li Xezzeyê vegerandiye.
Li gorî agahiyan, yek ji heşt cenazeyan aîdî welatiyekî Nepalî ye, lê Îsraîlê îdia kir ku yek ji cenazeyan ne girtiyekî Îsraîlî ye.
Ji aliyê din ve, Îsraîlê cenazeyên 90 Filistîniyên ku ji Xezzeyê girtibûn vegerand.
