Trump: Nûnerê min dê biçe Rûsyayê

PeyamaKurd – Serokê Amerîkayê Donald Trump diyar kir ku hevdîtinên di navbera Amerîka û Rûsyayê de wê îro, 6ê Tebaxa 2025an, berî bidawîbûna dema agirbesta li Ûkraynayê, bêne lidarxistin.

Trump, di daxuyaniyekê de ji bo rojnamevanan got:

"Em ê bi Rûsyayê re civînekê li dar bixin. Ka em bibînin dê çi bibe."

Ev hevdîtin çend roj piştî ku Trump ji Serokê Rûsyayê Vladimîr Pûtîn re demeke kurt (10-12 roj) dabû ji bo danûstandinên agirbesta li Ûkraynayê, pêk tê.

Serokê Amerîkayê hûrgiliyên zêde, wekî navên beşdaran, belav nekir, lê diyar kir ku nûnerê wî yê taybet, Steve Witkoff dê di nîvê hefteyê de biçe Rûsyayê.

Trump hişyarî da ku heke heta roja Înê encamek neyê bidestxistin, ew ê cezayan li dijî welatên ku petrol û gaza Rûsyayê dikirin ferz bike, da ku fînansekirina şerê Rûsyayê li Ûkraynayê sînordar bike.

 

Ev nivîs 71 car hatiye xwendin.