Wezîrê Derve yê Sûriyeyê Şeybanî li DYAyê ye
PeyamaKurd - Wezîrê Derve yê Sûriyeyê Esed Şeybanî bû yekem berpirsê payebilind ku di 25 salan de serdana fermî ya Amerîkayê kir.
Ev yekem serdana payebilind a Sûriyeyê bo Amerîkayê bû di 25 salan de.
Şeybanî di çarçoveya serdana xwe ya fermî de çû Washington, D.C.
Di çarçoveya têkiliyên xwe de, Şeybanî pêşî bi hejmarek berpirsên Wezareta Xezîneyê ya Amerîkayê re civiya.
Civîna ku Nûnerê Taybet ê Amerîkayê yê Sûriyeyê Tom Barrack jî beşdar bû, li ser hewldanên hevbeş ên ji bo têkoşîna li dijî fînansmana terorê û rêbazên ji nû ve girêdana bi ewlehî ya aboriya Sûriyeyê bi pergala darayî ya cîhanî re sekinî.
Piştre Şeybanî bi Kongresmenê Arizonayê Ibb Hamada re civiya da ku li ser têkiliyên dualî, pêşketinên herêmî û navneteweyî nîqaş bike.
Tê payîn ku Şeybanî di çarçoveya têkiliyên xwe de bi Wezîrê Derve yê Amerîkayê Marco Rubio re jî bicive.
