Bi hezaran welatiyên Kurd û Îranî ji ser deriyê Wanê ji şer reviyan

PeyamaKurd- Hate ragihandin ku piştî êrîşên berfireh ên Îsraîlê ku 13ê Hezîranê dest pê kirin, bi sedan welatiyên Îran û Rojhilatê Kurdistanê bi rêya Deriyê Sînorî yê Kapikoyê yê di navbera Bakur û Rojhilatê Kurdistanê de ji şer direvin.

Hate diyarkirin ku ji ber vê rewşê li otogara Wanê jî qerebalixiyeke zêde çêbûye ku gelek kes ji ber şer reviyane û dixwazin derbasî cihên ewle bibin.

Berpirsekî kompanyayeke otobusan a Wanê ragihand, "Sînor niha vekirî ye. Îro 28 wesayitên me hatin. Hatin gelekî zêde ye. Wekî tê zanîn şer heye. Bi asayî di rojekê de 7-8 otobûs dihatin lê niha tenê danê sibehê 28 wesayit hatine. Xelk ji ber şer direve. Heta êvarê dibe ku ev hejmar bigihe 200 wesayîtan."

Hêjayî gotinê ye, xelkê Îran û Rojhilatê Kurdistanê, Wanê ji bo xwegihandina bajarên mezin ên Tirkiyeyê yan jî Ewropayê wekî cihekî derbasbûnê dibînin.

Ev nivîs 99 car hatiye xwendin.