Li bajarê Dîlokê (Gaziantep) demsala hişkkirina sebzeyan dewam dike

PeyamaKurd – Li bajarê gastronomiye li Dîlokê (Gaziantep) demsala sebzeyên hişkkirî dewam dike. Îsotên hişk dikin, li hundir û derveyê welat tên firotin. Cotyar di wexta hişkkirinê de kedeka zêde didin û bihayê îsotên hişkkirî di navbera 150-200 TL yî de tê firotin.

Li bajarê Dîlokê, sebzeyên hişkkirî yên wekî dolmik, îsot û bacanên sor ji bo demsala zivistanê li ber tavê tên hişkkirin û amadekirin. Piştî sebzeyan ji zeviyê diçinin, li malê jin wan amade dikin, bi ben vedikin û dadleqînin ber tavê da hişk bibin.

Karê amadekirina sebzeyan di meha Hezîranê de destpêdike û heya meha dehan dewam dike. Dema daleqandina bi benan de ya li ber tavê, dîmenên rengareng çêdibin. Îsot(biber) an jî bacanên sor bi dolimak ve di nav hefteyekî an 10 rojan de li ber tavê hişk dibin.

Cotyar, sebzeyên hişkkirî di nav bazara welat û derveyê welat de difroşin. Li bajarê Dîlokê bi taybetî li navça îslahiyê niha salane du car sebze bi dest dixin.

Ev nivîs 97 car hatiye xwendin.