Barcelonayê zora Real Madridê bir û bû şampiyon

PeyamaKurd - Tîma futbolê ya Barcelonayê di maça dawî ya Copa del Reya Spanyayê de, Real Madrid bi encama 3-2 têk bir û bû şampiyon.

Barcelonayê di nîvê yekem de gola xwe ya pêşîn bi rêya Pedri tomar kir.

Real Madridê di nîvê duyem de du gol bi rêya Kylian Mbappé û Aurélien Tchouaméni tomar kirin lê Barcelonayê berî ku maç bi dawî bibe bi rêya Ferran Torres encam wekhev kir.

Maç dirêj bû û berî ku nîvê duyem ê demên zêde bi dawî bibe, Jules Koundé gola sêyem a Barcelonayê û serkeftinê tomar kir.

Di dawiya maçê de, Antonio Rudiger ji ber rexnekirina hakemê maçê û hewldana êrîşa li wî, tevî ku li ser kursiyê yedegan bû, bi karta sor hat derxistin.

Ev şampiyoniya yekem a Barcelonayê ya vê sezonê ye û tîm li bendê ye ku di sezona yekem a rahêneriya Hansi Flick de sê nasnavên dîrokî bi dest bixe.

Barcelona di La Ligayê de pêşeng e bi 4 puanan li pêş Real Madridê hevrikê xwe ye.

Herwiha di Lîga Şampiyonan de gihîştiye çaryeka dawî û di qonaxa nîv-fînalê de dê bi tîma Internazionala Îtalyayê re bilîze.

Ev Copa del Reya yekem e ku Barcelona di çar sezonên dawî de bi dixe.

 

Ev nivîs 143 car hatiye xwendin.