Artêşa Îsraîl: Leşkerek bi guleya hevalên xwe hat kuştin

PeyamaKurd- Hêzên Parastinê yên Îsraîlê (IDF) de ragihand ku leşkerekî Îsraîlî ji aliyê leşkerekî din ê Îsraîlî ve bi xeletî hatiye gulebarankirin û jiyana xwe ji dest daye.

IDFyê ragihand ku leşkerê ku îro sibehê di şerên li başûrê Şerîda Xezeyê de jiyana xwe ji dest da, Çawişê yedek yê 34 salî, Ariel Lubliner e û ji yekîneya lojîstîk a hejmar 6036 ya tûgaya 36an a li bajarê Kiryat Bialik a IDFê bû.

Li gorî lêkolîna destpêkê ya IDF'ê, Lubliner bi guleyeke ku ji aliyê leşkerekî din ê Îsraîlî ve bi xeletî hatiye avêtin, hatiye kuştin.

Li gorî çapemeniya Îsraîlê, Lubliner weke leşkerekî yedek li Xezeyê erka wî sibe diqediya. Çavkaniyên Îsraîlî dibêjin, Lubliner nêzîkî 10 sal berê ji Brezîlyayê koçberî Îsraîlê bûye û bi jina xwe ya ku ji Spanyayê koçberî Îsraîlê bûye re zewiciye û kurekî wî yê 9 mehî heye.

Di heman demê de çapemeniya Îsraîlî ragihand ku hejmara leşkerên Îsraîlî yên ku ji êrîşên 7ê Cotmeha 2023an û vir ve jiyana xwe ji dest dane, digel Lubliner, gihîşt 900î.

Ev nivîs 111 car hatiye xwendin.