Rojava | Li Hesekê 51 DAIŞî tevî cebilxaneya wan hatin girtin

PeyamaKurd- Hate ragihandin ku di encama ‘Operasyona Ewlehiya Domdar’ de li bajarê Hesekê operasyoneke li dijî şaneyên DAIŞê hatiye kirin û di encamê de 51 endamên şaneyên rêxistinê hatine girtin.

Li gorî daxuyaniyê, li çend taxên bajarê Hesekê operasyon hate encamdan û bi ser gelek veşartgehên şaneyên terorîst ên DAIŞê de hate girtin û çend torên terorîstan hatin hilweşandin.

Hate diyarkirin ku operasyon li ser agahiyên îstîxbaratî bi hêzên hevkar re hatiye kirin ku rêxistinê hewl daye Hesekê veguherîne navendeke êrîşên xwe yên terorîst, bi taybet li taxên nêzîkî girtîgeha Sîna’a û li derdora bajêr.

Di operasyona 14 saetan de ku zêdetirî 3 hezar şervan tevlî bûn 51 terorîst hatin girtin, di nav wan de terorîstên ku tevlî êrişên li ser sivîlan û navendên ewlehî û xizmetê bûn hene.

Li gorî daxuyaniyê, di operasyonê herwiha torên terorîst ên xeternak hatin hilweşandin, di nav de yên ku plan dikirin êrişan li ser girtîgeha Sîna’a û Kampa Holê bikin, û xeteriya wan a li ser sivîlan û aramiya herêmê ji holê rakirin. Di operasyonê de embarên çekan, cebilxane û lojîstîkê yên şaneyên DAIŞê jî hatin desteserkirin.

Ev nivîs 112 car hatiye xwendin.