"Em bi Îranê re pêwendiyên baş dixwazin, lê bernameya nukleerî û milîs piştgiriya pirsgirêkan dikin"
PeyamaKurd – Welîehdê Erebistana Siûdî got ku pirsgirêkên wî bi Îranê re ji ber "çalakiyên neyînî yên Tehranê" ye, di nav de bernameya wê ya atomî û "piştgiriya ji milîsên serhildêr".
Welîehdê Erebistana Siûdî Mihemed Bin Selman di peyameke bi Farisî de li ser platforma medyaya civakî X got: “Îran cîranê me ye û em hêvîdar in ku bi wan re têkiliyên baş çêkin.”
Ev daxuyaniya Mihemed Bin Selman piştî hevdîtina Elî Xamineyî rêberê Komara Îslamî ya Îranê û Wezîrê Berevaniya Erebistana Siûdî Xalid Bin Selman ku roja Pêncşemê 17ê Nîsana 2025an pêk hat û Wezîrê Berevaniya Erebistana Siûdî peyama şahê welatê xwe pêşkêşî Xamineyî kir.
Li hevdîtinê de Xamineyî diyar kir: “Bi baweriya me pêwendiyên Komara Îslamî û Erebistana Siûdî ji bo her du welatan sûdmend be û her du welat dikarin hevdu temam bikin.
Di sala 2016an de piştî darvekirina kesayetê sereke yê Şîa yê Erebistana Siûdî Nimr el-Nimr li Îranê xwepêşandan derketin. Xwepêşanderan êrişî Balyozxaneya Erebistana Siûdî li Tehranê kirin û piştî vê bûyerê pêwendiyên siyasî û aborî yên Erebistana Siûdî û Îranê xirab bûn.
Piştî van nakokiyan, di 5ê Îlona 2023an de Elî Riza Înayetî weke balyozê nû yê Îranê li Riyada paytexta Erebistana Siûdî dest bi kar kir û Ebdullah Bin Siûd Enzî jî wek balyozê Erebistana Siûdî li Tehrana paytexta Îranê dest bi kar kir.
