Serokên gelek welatan ji ber wefata Papa Francis daxuyanî dan
PeyamaKurd – Vatîkanê ragihand ku Papa Francis îro sibehê saet 07:35an wefat kiriye.
Piştî wefata Papa Francis a 88 saliya wî de, serokên gelek welatan sersaxî û hurmetên xwe ji bo wî anîn ziman.
Serokwezîrê Spanyayê Pedro Sánchez di peyamekê de li ser tora civakî Xê nivîsand:
“Dilsoziya wî ya bo aştiyê, edaleta civakî û ji kesên herî xizan re mîraseke kûr li dû xwe dihêle.”
Cîgirê Serokê Amerîkayê JD Vance got:
”Dilê min bi miyonan Xirîstiyanan li cîhanê re ye.”
Vance, ku rojek berî wefata Papa Francis bi wî re li Vatîkanê civiyabû, diyar kir ku ew şanaz e ku doh Papa Francis dîtiye.
Emmanuel Macronê serokwezîrê Fransayê jî hurmet nîşanî Papa Francis da û diyar kir:
“Ew mirovek bû ku her tim bi kesên herî xizan û lawaz re bû, û ji bo ‘mirovahiyeke bira’ parêzvanî kir."
Macron sersaxî ji hemû Katolîkên cîhanê re xwest.
Qesra Spî ya Amerîkayê bi daxuyaniyekê sersaxî xwest û got:
“Papa Francis bi aramî rakeve.”
Serokê Rûsyayê Vladîmîr Pûtin jî Papa Francis wekî “rêberekî biaqil” û “parêzvanê nirxên herî bilind ên humanîzm û edaletê” bi nav kir, û diyar kir ku wî di navbera Rûsya û Vatîkanê de têkiliyên erênî bi pêş xistine.
Ev nivîs 62 car hatiye xwendin.
