Trump: Ji sedî 145 baca li ser Çînê wê bê kêmkirin, lê nayê rakirin
PeyamaKurd – Serokê Amerîkayê Donald Trump ragihand ku baca ji sedî 145 li ser kelûpelên ku ji Çînê tên îthalkirin, wê bi awayekî berbiçav were kêmkirin lê bi tevahî neyê rakirin. Trump got ku di danûstandinên bazirganiyê de pêşketin çêdibin û her du alî jî dilgiran in ku bigihîjin rêkeftinekê.
Trump piştî merasîma sondxwarinê ya Serokê Komîsyona Ewlekarî û Veguheztinê (SEC) Paul Atkins, li Ofîsa Oval ji rojnamevanan re axivî û got ku danûstandinên bazirganiyê yên bi Çînê re di rêyek erênî de ne.
Trump got, "Her kes dixwaze bikeve piyaseya Amerikaye. Ji ber wê muzakere pir baş derbas dibin."
"Em ê bi rûmet bin, lê lihevkirin pêwîst e"
Trump got ku hem alîyê Amerîkî û hem jî karbidestên Çînî wê di danûstandinên bê de "pir nerm" bin.
Herwiha Trump destnîşan kir ku ev hurmet nayê wateya nermbûna di polîtîkayên bazirganiyê de û got, "Di dawiyê de divê lihevkirinek çêbibe; wekî din nikaribin bi DYAyê re bazirganiyê bikin. Em li vir wan dixwazin, lê divê ew û welatên din lihev bikin. Wekî din em ê lihevkirinê bikin."
Nîşana kêmkirina bacê: "Ew ê nebe sifir"
Herwiha ji Trump hat pirsîn ka wê bacên li ser Çînê bi tevahî bên rakirin an na. Serokê DYAyê bersiva vê pirsê da û got, "Wê gelekî dakeve. Lê wê nebe sifir."
