Encama êrîşa Îsraîlê ya 28ê Tebaxê diyar bû: Serokwezîr û wezîrên Hûsiyan hatine kuştin

PeyamaKurd – Hûsiyên Yemenê ragihandin ku di êrîşa Îraîlê ya roja Pêncşemê de (28 Tebax 2025) ku kiribû ser Yemenê bajarê SABAyê, di êrîşê de serokwezîr Ahmed Galib el-Rehawî û gelek wezîr mirine.

Serokkomariya girêdayê Hûsiyan li ser mijarê daxwuyanî da û got:

“Serokwezîrê ser kar yê Hukumeta Guherandinê û Avakirinê Ahmed Galib er-Rehawî û çend wezîrên pê re roja Pêncşemê şehîd ketine. Di wexta civînê de serokwezîr Rahawî û hinek wezîr di civîna normal xebatên salana de bûn. Hinek kesên di civînê de bûn hinek ji wan sivik û hinek ji wan giran birîndar bûn û dermankirina wan dewam dike.”

Hûsiyan di dewama ragihandina xwe de gotin ku wê desteka wan ya ji bo Xezzayê dewam bike û wê artêşa xwe xwurt bikin. Li ser mijarê serokerkanê Hûsiyan Muhammed Abdulkerim el-Gamari gotiye ku wê êrîşên Îsraîlê yên ser Sanayê bê ceza nemînin.

Li gor ajansa SABAyê ya Hûsiyan; Gamari gotiye ku artêşa Îsraîlê xebitiye da wî bikuje û gotiye:

“Êrîşên dijmin yên Siyonîstan ku taxên sîvîlan kiriye hedef, wê bê ceza nemînin. Êrîş her çiqas giran bin jî em ê Xezzayê destek bikin. Êrîşên Siyonîstan nîşan didin ku 2 sale li hemberê Xezzayê û Yemenê negihane hedefên xwe. Wê bêhtir bi geşayî bersiva xwe bibînin.”

Li gor radyoya artêşa Îsraîlê ku do daxwuyanî dabû; tê de gotibû ku êrîşê birine ser serokerkanê Hûsiyan El-Gamari û wezîrê bergiriyê yê Hûsiyan Muhammed el-Atıfî. Radyo her weha gotibû ku li benda encama diyarbûna êrîşane.

Wisa xwuya dike ku her kesên navborî ne di civîna serokwezîr de bûne an jê rizgar bûne.

Ev nivîs 125 car hatiye xwendin.