Sûdanî ji Macron re got: “Talûka şerê li herêmê zêde dibe”
PeyamaKurd – Serokwezîrî Iraqê Muhammed Şiya Sudani, di rêya telefonê de bi serokê Fransayê bi Emmanuel Macron re axifî û li ser mesela pêşdeçûnên li Fîlîstînê got ku ji aliyê rewşa navdewletî de destpêka pêvajoyekî talûke ye û her wext dikare bibe sedema şerekî nû.
Li gor ragihandina ofîsa serokwezîretiya Iraqê; di axaftina xwe de her dû lîder behsa xwurtkirina têkiliyên dualî, ortaxiyê û zêdekirina koordînasyonê kirine û li ser arîşeyên navdewletî danûsitendinan kirine.
Sudani, ji Macron re gotiye ku hewl didin li Bexdayê konferansekî çêbikin ku li ser mijarên herêmê biaxifin û Macron jî gotiye ku plankirina seredana Bexdayê girîng e. Li gor Sudani; ev seredan wê destekê bide diyaloga herêmê û îstîqrara herêmê.
Sudani ragihand ku Iraq xwe daye ser geşepêdana aboriyê û talûka herî mezin ew e ku di herêmê de şerekî bibe ku ew şer ewlehiyê û îstîqrara herêmê bixe talûkê. Sudani ragihandiye ji bo ber li talûkê bigirin, ew amade ye bi Îran, Fransa û DYA re hevkariyê bike û di rêya diyalogê de li ser bingeha hûqûqa navdewletî di rêya diyalogê de aştiyê biparêzin.
Di axaftinê de Macron gotiye ku asta îstîqrarê ya ku Iraq tê de ye, parastina ewlehiya ku hukumet dike gelek başe û wê Fransa desteka xwe ya ji bo Iraqê dewam bike. Macron her weha ragihandiye ku ziyareta ji bo Bexdayê plan dike, bi hêviye ku laperekî nûh ji bo têkiliyan veke.
Ev nivîs 116 car hatiye xwendin.
