Qedexeya xwepêşandanê ya sê rojan: Avahiya Parêzgeha CHP di bin dorpêçê de ye!
PeyamaKurd - Polîsan dest bi mudaxeleya li dijî endamên CHP yên ku dixwestin ji bo protestokirina tayînkirina qeyûm ber bi Navenda Parêzgeha CHP ya Stenbolê ve bimeşin kirin. Walîtiya Stenbolê li pênc navçeyan qedexeya xwepêşandanê ya sê rojan danî û hin endamên partiyê yên ku hewl dan meşê bikin hatin desteserkirin.
Piştî Gursel Tekin ku wekî qeyûm ji bo Navenda Parêzgeha CHP ya Stenbolê hatiye tayînkirin ragihand ku ew ê roja Duşemê biçe avahiyê, ji bo êvara Yekşemê, 7ê Îlonê, li avahiya CHP mîtîngek hat lidarxistin. Polîsan rê û kolanên ku ber bi avahiyê ve diçin girtin.
Hat ragihandin ku wesayîtên parlamenteran jî derbas nebûne û hin wesayîtên parlamenteran hatine kişandin. Karbidestên partîyê û parlamenterên ku li ber avahiyê kom bûn bi hêrs bertek nîşan dan.
Polîsan dest bi mudaxeleya li dijî endamên CHP yên ku piştî biryara walîtî ya qedexekirina xwepêşandanê nobedê digirin û hewl didin ber bi Navenda Parêzgeha Stenbolê ve bimeşin kirin.
