Bakirhan û Hatimogullari bertek nîşanî êrîşa ser Ozel dan!
PeyamaKurd – Hevserokên Giştî yên DEMê Tulay Hatîmogullari û Tuncer Bakirhan bi daxuyaniyeke nivîskî bertek nîşanî êrîşa li dijî Serokê Giştî yê Partiya Komarî ya Gel (CHP) Ozgur Ozel dan.
Di daxuyaniyê de êrîşa navborî "bi hêrseke mezin û bi gotinên herî tund" hate şermezarkirin û hate gotin, "Ev êrîşa kirêt provokasyoneke eşkere ye ku ne tenê li dijî Ozel, lê di heman demê de li dijî nirxên jiyana hevpar, aştî û hevgirtinê jî ye ku Sirri Sureyya di tevahiya jiyana xwe de parastiye."
Di daxuyaniyê de ev tişt cih girtin:
"Em êrîşa li dijî Serokê CHPê Ozgur Ozel ku di merasîma cenazeyê hevrêyê me yê hêja Sirrı Sureyya Onder de li dijî wan hate kirin, bi hêrseke mezin û bi tundî şermezar dikin.
Ev êrîşa kirêt provokasyonek eşkere ye ku ne tenê li dijî Ozel, lê di heman demê de li dijî nirxên jiyana hevpar, aştî û hevgirtinê jî ye ku Sirrı Sureyya di tevahiya jiyana xwe de parastiye.
Em armanca vê hewldana kirêt a hedefgirtina xemgîniya hevpar a gel di demekê de ku êşa me di asta herî kûr de ye dizanin, û em tarîtiya li pişt wê dizanin.
Gelê bi rûmet ê vî welatî wê teslîmî van senaryoyên qirêj nebe. Me bi rêya telefonê silavên xwe yên başbûnê ji Ozgur Ozel re ragihandin.
Ji vir, careke din, em sersaxiyê ji raya giştî re dixwazin û banga xwe dubare dikin ku kiryarên vê êrîşê û zihniyeta li pişt wan werin eşkerekirin."
