Li navça Şaxê ya bajarê Wanê dest bi derxistina hingivê mêşan kirin

PeyamaKurd – Li bajarê Wanê li navça Şaxê (Çatak) li deverên di bilindahiya 2700 metreyan de, dest bi derxistina hingivê kewaran kirin. Şertên hewa ya deverê û zêdebûna cûreyên flora deverê bereketê xist hingivê wan û hem hilberîner bêhtir kêfxweş bûn.

Cûreyên mêşên hingiv yên li deverê xwedî dikin, bê ku şekir bikarbînin dikarin hilberîna xwe bikin. Kewarên tê de mêşan xwedî dikin, kewarên ji şaxên biyan çêdikin û kewaran bi çamûrê sewax dikin.

Navça Şaxê û Miksê ji bo xwedîkirina mêşên kewaran ciyên başin. Mêş, ji gelek cûreyên giyayan yên wekî cahtirî, gûnî û giyayên din û çîçekên din hingiv çêdikin. Ji her kewarê dikarin 3 an 4 kîlo hingiv derxin û îsal bende ne ku li navça Şaxê bi tenê 350 ton hingiv û li seranserê bajarê Wanê 2 hezar û 100 ton hingiv bidest bixin.

Serokê Yekîtiya Hilberînerên Hingiv yê Şaxê Aslan Semo ragihandiye ku îsal bende ne ku bereketekî zêde di hingivê wan de hebe û gotiye:

“Ji ber em derman bikarnaynin, hingivê me gelek başe û kewarên me tije ne hingiv.”

Hilberînerê hingiv yê bi navê Vahap Semo ragihandiye ku:

“Xwedîkirina mêşan di bilindahiya 2800 metreyan de çêdibe û em bi zanîn mêşan xwedî dikin. Karê xwedîkirina mêşan ji bav û kalan ji me re maye. Daxwaza hingiv ji nava welat û derveyê welat ji me re tê. Hingivê îsal başe û bereketa wê zêde ye.”

Ev nivîs 95 car hatiye xwendin.