Rêveberiya Xweser ji bo pêkanîna Peymana 10ê Adarê şandeyek şand Şamê
PeyamaKurd – Di çarçoveya hewldanên ji bo dîtina çareseriyeke siyasî li Sûriyeyê, şandeyeke Rêveberiya Xweser a Rojavayê Kurdistanê bi serokatiya dîplomata payebilind Îlham Ehmed, gihîşt Şamê.
Li gorî zanyariyên ji çavkaniyekî MSDyê, rojeva sereke ya hevdîtinên şandeyê li Şamê, rakirina astengiyên li pêşiya pêkanîna peymana 10ê Adarê ye. Ev peyman di navbera fermandarê HSDyê Mezlûm Ebdî û serokê Sûriyeyê Ehmed Şera de hatibû îmzekirin û weke nexşerêyeke ji bo paşeroja welat dihat dîtin.
Serdana Îlham Ehmedê ku weke yek ji kesayetên giring ên siyaseta derve ya Rêveberiya Xweser a Kurdistanê tê naskirin, weke gaveke giring ji bo vejandina diyaloga di navbera Qamişlo û Şamê de tê nirxandin.
Ev nivîs 123 car hatiye xwendin.
