Rûsya û Çînê tetbîqateke leşkerî bi hevbeşî kir

PeyamaKurd – Çîn û Rûsyayê duh li Deryaya Japonê dest bi tetbîqatên leşkerî yên hevbeş ên sê rojan kirin. Ev tetbîqat beşek ji hewldanên her du welatan e ji bo kûrkirina têkoşîna wan a hevbeş li dijî hegemonyaya Amerîkayê.

Ev tetbîqat du roj piştî fermana Serokê Amerîkayê Donald Trump a şandina du binavbehriyên nukleerî bo "herêmên guncaw" pêk tên, wek bersivek li ser daxuyaniyên "provokatîf" ên Serokê berê yê Rûsyayê Dîmîtrî Medvedev.

Wezareta Parastinê ya Çînê ragihand ku tetbîqata "Hevkariya Deryayî 2025" li nêzîkî bendera Vladivostokê ya Rûsyayê dest pê kiriye. Di daxuyaniyê de hat diyarkirin ku her du artêş dê operasyonên rizgarkirina binavbehriyan, şerê hevbeş ê dijî binavbehriyan, parastina mûşekî û şerê deryayî pêk bînin. Li gorî wezaretê, çar keştîyên Çînê, di nav de keştiyên bi mûşekên rêberkirî Shaoxing û Urumqi, li gel keştîyên Rûsyayê beşdarî tetbîqatê dibin.

Ev nivîs 35 car hatiye xwendin.