Hinardekirina petrola Kurdistanê: Daxuyaniya APIKURê
PeyamaKurd - Sendîkaya Pîşesaziya Petrolê ya Kurdistanê (APIKUR) ragihand ku Hikûmeta Iraqê ji bo ji nû ve hinardekirina petrola Kurdistanê dudil e.
APIKURê derbarê geşedanên dawî yên derbarê ji nû ve destpêkirina îxracata petrolê de daxuyaniyek da. Her çend di daxuyaniyê de girîngiya ji nû ve destpêkirina îxracata petrolê hat tekez kirin jî, hat destnîşankirin ku hewl û hevahengiya di vî warî de bi sînor û bêencam bû.
Wî herwiha banga xurtkirina hewildanên ji bo dîtina çareseriyek hevpar kir û diyar kir ku "Derbarê pêşniyara APIKURê de, Hikûmeta Federal a Iraqê û Hikûmeta Herêma Kurdistanê niyeta xwe ya nirxandina vebijarkan ji bo ewlekirina lêçûna petrolê di pêşerojê de anîn ziman. Tevî vê yekê, di derbarê rêziknameyên ji bo ewlekirina fonên şîrketan de gavên berbiçav nehatine avêtin. Herwiha di derbarê deynên şîrketên petrolê yên navneteweyî de jî tu pêşveçûn çênebûye."
Di daxuyaniyê de, ku ji gotinên Berdevkê APIKURê Myles Caggins hatiye wergirtin, wiha hatiye gotin: "Şîrketên endamên APIKURê gelek caran pêşniyarên xwe yên ji bo çareseriyê li gorî qanûna budçeya Iraqê û peymanên şîrketên petrolê yên navneteweyî anîne ziman. Em ji nebûna pêşveçûnê bi fikar in. Lêbelê, em hewlên xwe ji bo ji nû ve destpêkirina îxracata petrolê bi rêya boriya Iraq-Tirkiyeyê didomînin."
Ev nivîs 54 car hatiye xwendin.
