Tehranê gazî karmendê Brîtanyayê yê wezareta derve kir

PeyamaKurd – Ajansa nûçeyan a fermî ya Îranê ragihand ku Wezareta Derve ya Îranê, gazî berpirsê karûbarên Brîtanyayê li Tehranê kiriye. 

Ev gav piştî girtina 7 welatiyên Îranî li Brîtanyayê û belavkirina "îdiayên derew" ji aliyê Londonê ve li dijî Îranê hate avêtin.

Di destpêka vê mehê de, polîsên Brîtanî di du operasyonên cuda de 7 Îranî girtin. 3 ji wan hefteya borî bi sûcê alîkariya ajanseke îstîxbarata biyanî, bi taybetî îstîxbarata Îranê, hatin tawanbarkirin. Her sê bersûc hatin binçavkirin û dê di 6ê Hezîranê de di rûniştina yekem de derkevin pêşberî dadwer. 4 kesên din hatin berdan, lê lêpirsîn berdewam dike.

Karbidestekî Wezareta Derve ji medyaya fermî re got:

“Hikûmeta Brîtanî berpirsiyariya encamên ne guncaw ên van kiryarên bi motîvasyonên siyasî digire ser xwe, ku armanc wan zextkirina Îranê ye.” 

Hikûmeta Brîtanyayê Îran di lîsteya xwe ya herî jorîn a bandora biyanî de bi cih kiriye, û ji Tehranê dixwaze ku her çalakiyên xwe yên siyasî li Brîtanyayê tomar bike. Ev rewş têkiliyên di navbera her du welatan de aloztir dike.

 

 

 

Ev nivîs 87 car hatiye xwendin.