Elwalî: Ji bo mûçeyên Kurdistanê neşînin gefa serjêkirinê li endamên Dadgeha Federal hate xwarin

PeyamaKurd- Hate îdiakirin ku gef li endamên Dadgeha Federal a Iraqê hatiye xwarin; ger biryara dayîna mûçeyên Herêma Kurdistanê bidin û ya dosyeya Xor Ebdula bidin, wê serê wan bê jêkirin.

Siyasetmedarê Iraqî û birayê damezrînerê Partiya Fezîle ya Iraqê û birayê parêzgarê berê yê Besrayê Dr. Asmaîl Musbîh Elwalî di tomareke vîdeoyî de got: “Serokê Encûmena Dadweriya Iraqê Dr. Feyeq Zeydan, gefa kuştinê li endamên Dadgeha Federal xwariye û ji wan re gotiye ku ew çavdêr in û an dê îstifa bikin an jî werin kuştin. Ji wan re gotiye eger biryarê li ser Xor Ebdula û şandina mûçeyê Kurdistanê hûn bidin, yan hûnê dest ji kar bikşînin, yan jî dê serê we û meriv û malbatên ve bên jêkirin.”

Elwalî da zanîn, neşandina mûçeyan planeke ji bo ziyan gihandina Herêma Kurdistanê ye û diyar kir: "Fayeq Zêdan ji wan re gotiye hûn biryara şandina mûçe nedin, wê demê ew ê bibînin ka em ê çawa li Kurdistanê kaosê biafirînin."             

Siyasetmedarê Iraqî got, ferman ji hêla welatekî cîran ve hatiye dayîn (mebest Îran e) û çend kes di komployê de beşdar in, ango Malikî, Xezalî û Mihemed Helbûsî.

Hêjayî gotinê ye, ev daxuyanî di demekê ku xayînkarên zilamên Xezalî yên ku xwe li Silêmaniyê wekî (Komîteya Parastina Mamoste û Karmendên Xwepêşander!) dane nasîn têne dayîn. Herwiha tevî parlamenterên din ên xizmetkarên Bexdayê, bang li gelê Herêma Kurdistanê dikin ku xwepêşandanan bikin.

Ev nivîs 105 car hatiye xwendin.