PDK-T 4. kongreya xwe ya asayî li dar xist
PeyamaKurd – Partiya Demokrata Kurdistanê-Tirkiyê (PDK-T) li Enqereyê 4emîn kongreya xwe ya asayî li dar xist û Muhammed Emîn Kardeş careke din wek Serokê Partiyê hat hilbijartin.
Partiya Demokrata Kurdistanê (PDK-T) doh Yekşemê 22ê Hezîrana 2025an, 4emîn kongreya xwe ya asayî li Enqerê li dar xist û Mihemed Emîn Kardeş bi 44 dengan careke din wek serokê partiyê hat hilbijartin.
Di kongreyê de pêvajoya aştiyê û mafên Kurd û Kurdistaniyan hatin gotûbêjkirin.
Ji bilî nûnerên partî û kongreyê tu mêvan nehatin vexwendin kongreyê.
Peyamên ku bi boneya kongreyê hatibûn şandin hatin xwendin û di rêveberiya partiyê de hin guhertinên teknîkî hatin kirin.
KDP-T di sala 2014an de hat damezrandin û li Tirkiyê yekem part e ku navê "Kurdistan" li xwe kiriye. Lê Dadgeha Destûra Bingehîn a Tirkiyê di sala 2018’an de ji ber ku di navê wê de peyva “Kurdistan” hatiye gotin, li dijî wê partiyê doz vekiribû.
